Një 21-vjeçar ka rënë në prangat e policisë i akuzuar se i priste qytetarëve që udhëtonin drejt Shqipërisë në Portin e Barit siguracione makine të falsfikuara.
Në pranga ra i riu me iniciale F. B, banues në Dibër për veprat penale “Falsifikimi i letrave me vlerë”, “Mashtrimi” dhe “Falsifikimi i vulave, stampave ose formularëve”.
Dyshohet se 21-vjeçari gjatë muajit korrik 2019, në Portin e Barit, Itali, ka falsifikuar 13 siguracione (TPL), në emër të shoqërive të ndryshme të sigurimit, për automjetet që hynin në Shqipëri.
Ndërkohë po vazhdon puna për dokumentimin e plotë të kësaj veprimtarie kriminale, si dhe vënien para përgjegjësisë ligjore të personave të tjerë të implikuar.
Materialet procedurale i kaluan për veprime të mëtejshme Prokurorisë Pranë Gjykatës së Shkallës së Parë Durrës. /l.m
