Rita Ora është hequr në billbordët në qytetin e Beogradit, pas artikujve të djeshëm në mediat serbe.
“FITON INFORMER! Largohen billbordët e Rita Orës! Reklamat e këngëtares që mbështet kriminelët e UÇK-së”, është titulli i gazetës serbe “Informer”.
Sipas kësaj gazete, këngëtarët vendas u tronditën pasi një firmë serbe promovonte të preferuarën e Thaçit dhe Haradinajt.
Gjithnjë sipas këtij mediumi, këngëtarja shqiptare, e cila mbështet kriminelët e UÇK-së dhe bën thirrje për “Shqipërinë e Madhe”, është larguar nga billbordet në qendër të qytetit të Beogradit dhe nuk do të shfaqet më me këto materiale promovuese.
“Kujtojmë që kjo këngëtare, e cila këndoi në 10 vjetorin e pavarësisë së shtetit të rremë të Kosovës dhe që nuk e humbet mundësinë për të treguar shqiponjën dykrenare shqiptare në çdo paraqitje, është shfaqur në tabela në më shumë se 27 vende ekskluzive në të gjithë Beogradin, nga të cilat gazeta jonë shkruajti dje se billbordet mund të shiheshin në Parlamentin e Serbisë, Qeverinë e Serbisë, Sllavia, Sheshi i Republikës, Terazije, në Pallatin e Serbisë dhe vendet e tjera të trafikut”, ka shkruar gazeta serbe “Informer”.
Në të gjitha 27 billbordet nga qendra e Beogradit që paraqisnin orët dhe bizhuteritë e BPM me imazh kryesor Rita Orën, nuk do të shfaqen më.
