Lojtari më i vjetër i historisë që ka luajtur në një Kampionat Europian, hungarezi Gabor Kiraly ka varur dorezat në gozhdë në moshën 43-vjeçare.
Lajmi është publikuar nga skuadra e fundit e lojtarit Haladas, ndërsa portieri ka postuar një mesazh të shkurtër në faqen e tij.
“Falënderoj futbollin që më ka mësuar si të jem një njeri më i mirë. Kam qenë me fat çdo ditë, gjithmonë duke bërë më të mirën time me përulësi dhe duke iu adaptuar çdo detyre.
Falënderoj familjen dhe miqtë e mi për mbështetjen! Pa ta, ky udhëtim i mrekullueshëm ka zgjatur 26 vite,” shkruan Gabor Kiraly në faqen e tij.
/telesport
