Kryeministri Edi Rama zhvilloi sot një takim me drejtuesit e Zyrave të Punës.
Veç rezultateve të arritura deri tani, mësohet se në këtë takim është diskutuar edhe lidhur me një propozim të ri për ngritjen e një Websajti kombëtar ku do të pasqyrohen të gjitha vendet e lira të punës.
Sipas kryeministrit, kompanitë do të duhet të detyrohen t’i publikojnë vendet e lira pikërisht në këtë Websajt për të lehtësuar procesin në tërësi për punësimet.
“Do ngremë një Websajt për vendet e lira të punës, transparent për publikun, i detyrueshëm për kompanitë që t’i publikojnë në Websajtin kombëtar. Të krijohet një ndihmës më shumë për zyrat e punës, biznesin dhe punëkërkuesit. Kjo është një ide që duhet çuar përpara”, tha Rama./a.m.
