Sekretari amerikan i shtetit, Mike Pompeo do të takohet këtë javë në Nju Jork me krahun e djathtë të kreut koreanoverior Kim Jong Un, gjeneralin Kim Yong Chol njoftoi ai të dielën gjatë një interviste për kanalin televiziv “Fox News”.
Para këtij takimi me atë që Mike Pompeo e cilësoi si homologun e tij koreanoverior, ai shpjegoi gjithashtu se “nuk është i shqetësuar nga paralajmërimi i bërë nga Pheniani, ku shprehej se po shqyrton seriozisht që t’i rikthehet strategjisë së tij politike të zhvillimit të arsenalit bërthamor”.
Megjithatë, Pompeo nuk ka dhënë detaje mbi ditën e saktë të këtij takimi.
/b.d
