Qeveria britanike përjashtoi mundësinë e një kufiri të ashpër me Irlandën pas Brexit, në një dokument të perceptuar si një përpjekje për të detyruar klubin e 27-ve, duke lidhur këtë çështje me atë të marrëdhënieve të ardhshme tregtare mes tyre.
Komisioni evropian refuzon të ndërmarrë negociata tregtare me Britaninë e Madhe derisa të zgjidhen tre çështje themelore, e ardhmja e shtetasve evropianë, fatura e largimit dhe çështja e kufirit me Irlandën dhe provincën britanike të Irlandës së Veriut.
Në lidhje me Irlandën, është e rëndësishme të zhvillojmë një diskutim politik para shqyrtimit të zgjidhjeve teknike”, rikujtoi sot një zëdhënëse e ekzekutivit evropian.
Por për Britaninë e Madhe, partneriteti i ardhshëm tregtar dhe negociatat e largimit duhet të diskutohen njëkohësisht.
Një qëndrim të shprehur sot në një dokument që detajon qëndrimin e Londrës në lidhje me kufirin e ardhshëm irlandez, ndarja e vetme në rrugë tokësore me Bashkimin Evropian, para fillimit të një sesioni të ri të negociatave në fund të gushtit në Bruksel./b.d
