Politikania e djathtë e kritikoi Bashën se ka lënë në harresë figurat historike të partisë, ka patur një organizmi tepër të dobët të zgjedhjeve dhe se nuk është këshilluar me asnjë organ të partisë për marrëveshjen mes tij dhe Edi Ramës. Valbona Mezini sot në studion e Report TV.
Anëtarja e Këshillit Kombëtar të Partisë Demokratike Valbona Mezini ka lëshuar akuza të forta ndaj kreut të Partisë Demokratike Lulzim Basha. E ftuar në Report TV, Mezini tha se statuti i ri që është propozuar së fundmi, i është dërguar vetëm pak orë më parë me email, pa i dhënë asaj dhe kritikëve të tjerë të Bashës mundësinë që të mund ta studionin dhe të propozonin ndryshimet e nevojshme brenda kohës së duhur. Sipas Mezinit basha e ka privatizur PD-në dhe vendimmarrja në këtë parti është vetëm e tija personale. Politikania e djathtë e kritikoi Bashën se ka lënë në harresë figurat historike të partisë, ka patur një organizmi tepër të dobët të zgjedhjeve dhe se nuk është këshilluar me asnjë organ të partisë për marrëveshjen mes tij dhe Edi Ramës.
Basha ka privatizuar PD-në
Partia Demokratike është një pronë publike por që përdoret si pronë private. Rezultatet elektorale në zgjedhje kanë qenë shumë të dobëta. Ka një mungesë të vendimmarrjes kolegjiale. Statuti është shkelur, pasi linte vend për interpretime që partia të mund të përdorej si pronë private. Ajo është kthyer në një pronë e kryetarit, që tha edhe vetë se listat janë të tijat. Ne duam kufizim, sepse problem nuk është statuti, por fryma që po instalohet, për interesa klienteliste dhe private.
Statuti i ri ka patur një mungesë të qëllimshme transparence. Pse nuk na erdhën më parë me email ndryshimet që të bënim propozimet tona?! Nuk janë marrë parasysh gjërat kryesore që ne kemi propozuar për fuqizimin e PD. Kërkuam kufizimin e mandatit të kryetarit.
Pse mos të ketë Këshilli i PD një kryetar që të thërrasë me kuorum Këshillin sa herë të jetë nevoja. Këshilli Kombëtar nuk është mbledhur kurrë për të folur qoftë për problemet e brendshme, qoftë karshi palës tjetër politike, që e ka shitur vendin dhe i ka lënë shqiptarët në ditën e tyre më të zezë.
Kjo tregon që emrat në Këshillin Kombëtar, të deputetëve, të këshilltarëve bashkiakë, do të jenë emra të një personi të vetëm sepse i duhen në një moment të caktuar.
Në këto që pretendojmë, në këto mendime është një pjesë e konsiderueshme e Këshillit Kombëtar. PD është pronë publike. (shqiptarja.com)
