Në fushatën para zgjedhjeve rajonale lokale në Spanjën të dielën, Alberto Fabra, lideri i Valencias, vendosi të caktojë një “linjë të kuqe” pas vitesh të tëra korrupsioni. Ai u zotua, se nuk do të lejojë asnjë zyrtar të akuzuar nga Partia e tij Popullore të kandidojë përsëri.
Problemi ishte gjetja e politikanëve të cilët nuk janë të akuzuar. Linja e tij e kuqe rezultoi të jetë më tepër ngjyrë gri.
Në të gjithë rajonin, 50 politikanë të akuzuar janë duke shpresuar për t’u rizgjedhur të dielën, edhe pse ata të përgatiten për të dalë para gjykatave në rastet që kanë të bëjnë kryesisht me keqpërdorim të parave publike, duke marrë ryshfete.
Ndërsa provinca e Valencias, në bregdetin e Mesdheut qendror të Spanjës, qëndron si ndoshta shembulli më i shquar i riciklimit të politikanëve të njollosur, problemi është ai që shqetëson të gjithë vendin.
Rezultatet e së dielës, janë duke u shikuar me kujdes, se sa të ndjeshëm janë bërë votuesit nga fushata anti-korrupsion e udhëhequr nga palët kryengritëse. Ndër këta janë Podemos në ekstremin e majtë dhe Ciudadanos në qendrën e djathtë – që po sfidojnë rendin politik duke u përpjekur për t’i dhënë fund një politikë të zakonshme.
Valencia është një bastion i Partisë Popullore të Fabras dhe kryeministrit Mariano Rajoy, dhe kështu riciklimi i figurave politike të vëna nën akuzë janë konsideruar si një test për shanset e Rajoyt për të fituar sërish zgjedhjet e përgjithshme në fund të këtij viti.
“Valencia është një test për elasticitetin e PP, apo Partia Popullore.” tha Antonio Barroso, një analist spanjoll.
Nuk ka shifra zyrtare për numrin e kandidatëve me aktakuza në mbarë vendin, pjesërisht për shkak të ligjeve të Spanjës për mbrojtjen e të dhënave.
Megjithatë, Perico García Azorín, një sociolog në pension i cili ka publikuar një studim mbi korrupsionin këtë muaj, tha se 467 kryetarët e komunave në të gjithë vendin janë përballur me akuza, shumica e tyre që nga fillimi i krizës financiare në vitin 2008.
Nga ata, ai gjeti, se 89 ishin dënuar dhe 90 shfajësuar, ndërsa pjesa tjetër ende duke pritur vendimet e gjykatës.
Valencia, në veçanti, ka qenë një motor i akuzave për korrupsion. Në mesin e politikanëve të akuzuar të cilët po bëjnë fushatë nëpër rajon, pesë janë kryetarë aktualë nga Partia Popullore e Rajoy, por ka edhe socialistët dhe përfaqësuesit e partive të vogla.
Këtë muaj, Komisioni Evropian gjobiti Spanjën për të dhënat e saj të gabuara të deficitit, jo për shkak të dështimeve të qeverisë qendrore, por për shkak se Valencia kishte “dërguar sistematikisht informata të pasakta për autoritetet statistikore kombëtare për shumë vite”, rreth shpenzimeve të saj të kujdesit shëndetësor. Ky veprim ishte i pari i llojit të tij kundër një anëtari të Bashkimit Evropian.
Një javë më parë, zoti Fabra pezulloi një nga anëtarët më të lartë të partisë së tij, Alfonso Rus, pas radiostacioni “Cadena Ser” transmetoi një bisedë të regjistruar në të cilën zoti Rus deklaronte paratë e ryshfetit që kishte marrë.
Ndërsa ende është duke u hetuar, Rus mohoi akuzat ndaj tij dhe premtoi se do të qartësojë gjithçka kundër tij të asaj që e quajti një “komplot” politik, por vetëm pas zgjedhjeve. Të dielën, ai shpreson që të rizgjidhet si kryetar i bashkisë së Xàtiva, edhe pa përkrahjen zyrtare të Partisë Popullore.
Në mënyrë të ngjashme, disa prej politikanëve të akuzuar thonë se ata kanë refuzuar të japin dorëheqjen ose të tërhiqen nga kandidimi, për aq kohë sa nuk është vërtetuar fajësia e tyre.
Përtej provincës së Valencias, votimi i së dielës pritet të reflektojnë fragmentimin dhe polarizimin e politikës spanjolle që nga koha kur Partia Popullore e Rajoy fitoi zgjedhjet e fundit komunale në vitin 2011, e ndjekur gjashtë muaj më vonë nga zgjedhjet e përgjithshme që i dha partisë së tij një shumicë parlamentare.
Këtë herë, Partia Popullore pritet të mbajë shumicën absolute në vetëm një rajon, Castile dhe Leon, sipas një sondazhi të publikuar këtë muaj nga Qendra për Kërkime Sociologjike, i njohur si CIS.
Kjo mund të shtyjë palët në shumicën e rajoneve të tjera për të formuar një qeveri koalicioni.
Trazirat më të mëdha mund të gjenden në dy qytetet më të mëdha të Spanjës, Madrid dhe Barcelona, ku politikanët e rinj janë aty aty me kandidatët të njohur.
Megjithatë, analistët paralajmërojnë, se edhe nëse politikanët e rinj arrijnë fitore në këto qytete, sfida e tyre do të jetë mbajtja e një pozicioni të pastër.
“Pyetja, që do të bëhet është nëse politikanët problematikë do ë fillojnë të shfaqen në këto parti të reja.” tha një nga analistët.
New York Times
