Avokati Spartak Ngjela është përfshirë në një debat të fortë me zv-ministrin, Julian Hodaj në lidhje me strukturën e re të krijuar OFL.
Të ftuar në emisionin “Open” në Top Channel, Ngjela dhe Hodaj diskutuan në lidhje me faktin nëse kjo strukturë është apo jo ligjore.
Debati:
Ngjela: Nuk e njeh ligji këtë strukturë. Kjo u bë për të sfumuar SPAK-un.
Hodaj: Ti se ke lexuar as aktin normative dhe nuk ke lexuar ligjin.
Ngjela: Mos më ndërhy, ti nuk je askush. Të ka sjellë Edi Rama ty. Nuk je askush ti të bësh debat me mua. Këta kanë punuar me mafian e ndërtimit. Çfarë bëjnë me këta, marrin 10 vetë i arrestojnë dhe me ato që kanë bashkëpunuar nuk i arrestojnë dot. Është stukturë e panevojshme që synon të sfumojë SPAK-un që të shpëtojnë veten.
Hodaj: Por SPAK-u është krijuar. Ka kryetarin dhe 8 prokurorë brenda saj.
Ngjela: Nuk është institucionalizuar akoma se duhet të presë Byronë Kombëtare të Hetimit. Shko paguaj policët se i keni lënë në mëshirë të fatit. S’jam këtu për të bërë debat me ju.
Ndërkohë, teksa Ngjela po komentonte ligjin anti-KÇK, në një moment pas shpinës së tij Hodaj ka nisur të buzëqeshë. Kjo gjë e ka acaruar tej mase avokatin, i cili nuk është përmbajtur ndaj zv.ministrit.
Ngjela: A mos qesh! Po hyri qeshja dalim keq.
Hodaj: Po më kërcënon avokat?
Ngjela: Jo, por me qeshje nuk kalohet. Prit të mbaroj unë dhe pastaj…TCH
