Nga Artur Ajazi
Arrestimet e bujshme muajt e fundit, dhe veçanarisht arrestimi i ish-kryeministrit, apo dhe së fundi, i ish-deputetit të PS-së Jurgis Çyrbja, tregoi nevojën urgjente që ka sot politika për spastrimin rradikal brënda vehtes. Kryetarë bashkie, ish-kryetarë bashkie, ish-ministra dhe zyrtarë të rrangjeve të larta dhe të mesme, ish-kryeministra, ish-presidentë, të arrestuar dhe të marrë nën hetim. Kjo është tabloja e sotme, nga ajo ç’ka po ngjet në politikën shqiptare. SPAK-u, mbetet “i vetëm trim në luftë”, duke goditur majtas dhe djathtas, dhe kaq mjafton që Sali Berisha ta mbyllë gojën, dhe të mos thotë më se “Edi Rama e ka nën zap SPAK-un”. Vendosja e ligjvënësve , ish-ministrave dhe ish-zyrtarëve të lartë të shtetit nën hetim, nën akuzë, dhe dënimi i tyre me ligj, mbetet fitorja më e madhe e Shqipërisë Demokratike. Iku koha kur bëhej “pallë” mbi pasurinë e vjedhur, mbi lidhjet me trafiqet dhe krimin. Natyrisht, kjo pa një ndihmë nga shërbimet inteligjente të huaja, nuk mund të bëhej realitet. Viti 2025, mbetet pa asnjë diskutim pikënisja e një periudhe të re, në funksionimin normal dhe me moral i skenës politike shqiptare. Askush nuk do të guxonte në 2025, të listonte për deputet, njerëz me lidhje kriminale, njerëz me arsim të cunguar, njerëz me CV të fallcifikuar, apo dhe njerëz të dënuar dikur nga drejtësia. Politika në Shqipëri, duhet të vihet mbi “shina europiane”, ndryshe nuk do të na bëjnë “fajde” as hapja e negociatave me BE-në, dhe as propaganda bajate se “jemi më të mirët e botës”. Në 2025, ndryshe nga Partia Socialiste e Edi Ramës, shoqata e shkatërruar e Sali Berishës, pritet të marrë goditje fatale në zgjedhjet e reja. Brënda selisë “blu” gjenden sot mëkatarë të bëmave të tmerrshme të shqiptarëve, duke përmendur veçse 1997, piramidat, Gërdecin, apo dhe 21 Janarin. Kaq do të mjaftonte, për të gërrmuar brënda “gjirit të asaj partie” për të gjetur shkaktarët e shkatërrimit të shtetit, vjedhjeve të pronave, parave të shqiptarëve, dhe vrasjeve pa gjyq. Edi Rama, po e mban fjalën siç ka vepruar gjithmonë. Po i “sikterris” ata që kanë vjedhur, ata që kanë abuzuar, ata që kanë mbajtur miq dhe shokë trafikantët dhe kriminelët. Ata e kanë vendin në burg. Po Sali Berisha, çfarë ka bërë, dhe çfarë po bën ? Asgjë. Si dje dhe sot, ai njeri mohon gjithçka ka bërë vetë, dhe ata që mban pranë edhe sot e kësaj dite. Dhe më komike mbetet deklarata e tij se “ne do të fitojmë zgjedhjet e reja, do të mundim me votë Edi Ramën”. Një partie dhe një njeriu, që siç ka qenë ka mbetur, kurrë nuk mund ti japin shqiptarët votën e tyre. Viti 2025, do të “skarrcojë” gjithë kastën e ndyrë të politikanëve, që akoma kanë kurajon të dalin dhe japin “leksione” morali, apo dhe “zgjedhjesh të lira”. Vota e shqiptarëve në 2025, do të jetë ndryshe nga çdo vit tjetër elektoral, pasi do të jetë “vendim” i pakthyeshëm që do të flakë nga politika, ata që vendin e kanë në burg, dhe jo në selitë e partive dhe Parlamentin e Shqipërisë.
