Teksa kreu i Komisionit hetimor për CEZ-in, Taulant Balla, në lidhje me privatizimin e kompanisë dhe blerjen e aksioneve nga kompania çeke, ka kërkuar që në seancë deputeti Sali Berisha të merret me Polici nëse nuk vjen me dëshirë, ky i fundit nuk ia ka plotësuar dëshirën sot.
Policia ka shkuar paraditen e të hënës në banesën e ish-kryeministrit, por nuk e kishte gjetur në shtëpi.
Në një letër që Policia i ka dërguar Taulant Ballës, sipas tyre, ata kanë trokitur por nuk e kishte hapur njeri derën, raporton gazetari i “Panorama”, Fation Binjaku.
Sali Berisha është paraqitur vetë për të dëshmuar në komision./a.m.
