Autori i dyshuar i vrasjes ka rënë në prangat e policisë. Mediat njoftojnë se Fatmir Bregu është vetëdorëzuar sëbashku me armën e krimit.
Ai ishte i rrethuar prej disa orësh në fshatin Lybesh të rrethit Berat.
****
Forcat e policisë po negociojnë me autorin e vrasjes së ndodhur sot në Berat që të dorëzohet.
Policia e Beratit dhe efektivë të RENEA-s kanë rrethuar zonën ku ndodhet Fatmir Bregu dhe po përpiqen ta bindin të mos bëjë rezistencë, shkruan “DITA”
Deri tani, 34-vjeçari Bregu ka refuzuar të dorëzohet duke kërcënuar se do të vrarë veten.
Ngjarja ka ndodhur në fshatin Lybesh të Beratit, në orët e para të mëngjesit të ditës së hënë.
Viktima është 28-vjeçari Namik Gjika. Vrasja ka ndodhur pranë një lokali të fshatit, pas një konflikti për shkak të një vije uji, raporton DITA.
