Policia e Elbasanit ka publikuar masat që janë marrë për ruajtjen dhe mbarëvajtjen e sigurisë gjatë ditës së nesërme, ku do të festohet Dita e Verës.
Duke filluar nga dita e nesërme në qytetin e Elbasanit do të angazhohen 380 efektivë nga Elbasani dhe Tirana.
1-Të gjitha shërbimet në Drejtorinë e Policisë Elbasan, më datë 13.03.2017 do të kalojnë në shërbim të përforcuar për zhvillimin sa më normal të aktiviteteve festive.
2- Për të përballuar me sukses festimin sa më normal të Ditës së Verës, në ndihmë të shërbimeve të Policisë Elbasan, do të vihen në dispozicion dhe forca nga Policia e Tiranës dhe FNSH-ja.
3- Do të merren të gjitha masat për parandalimin e ngjarjeve të mundshme kriminale gjatë zhvillimit të aktiviteteve.
4-Nga policia rrugore do të kontrollohen të gjitha akset me qëllim për të bërë të mundur qarkullimin normal të mjeteve gjatë zhvillimit të aktiviteteve.
Në këtë plan masash do të angazhohen 380 forca policie nga Elbasani dhe Tirana
Në kuadër të masave të marra për mbarëvajtjen e aktiviteteve me rastin e “Ditës së Veres”, Specialistët e Sektorit të Qarkullimit Rrugor, në Drejtorinë Vendore të Policisë Elbasan, nuk do të lejojnë lëvizjen apo parkimin e mjeteve në këto akse rrugore:
Ja rrugët që do bllokohet qarkullimi i mjeteve
1-Në orën 11:00 të datës 13.03.2017 do të bllokohet lëvizja dhe qarkullimi i mjeteve nga “Kryqëzimi i Kristoforidhit” deri te “1 Maji”
2-Në orën 07:00 të datës 14.03.2017 deri në përfundim të aktivitetit të Karnavaleve do të bllokohet lëvizja nga Stadiumi deri te 1 Maji
3- Nga Stadiumi deri te “Pallati i Sportit”, nuk do të lejohen parkimet apo qëndrimet e mjeteve.
Policia Rrugore krahas masave të marra për mbarëvajtjen e trafikut, do të ketë dhe një sërë masash për shtimin e kontrollit ndaj përdoruesve të rrugës, që drejtojnë automjetin në gjendje të dehur, që tejkalojnë normat e shpejtësisë, që kryejnë parakalime të gabuara, etj.
Drejtoria Vendore e Policisë Elbasan, kërkon mirëkuptimin e pjesëmarrësve në këtë ditë feste, të evitojnë në maksimum lëvizjen me automjet brënda qytetit të Elbasanit, ç’ka do të sillte një ndihmesë të madhe në zhvillimin sa më normal të aktiviteteve festive.
