Policia e Shtetit ka nisur procedim penal ndaj Deputetit të Partisë Demokratike Gent Strazimiri, i cili u fotografua me një armë në brezë gjatë protestës te parku i liqenit artificial. Burimet nga policia bëjnë me dije se kanë referuar materialet në prokurori për rastin në fjalë. Strazimiri mbante një armë që sipas ligjit të ri duhet ta dorëzonte. Policia i kishte adresuar atij një letër që i jepte afat deri në 25 mars për ta dorëzuar. Arma nuk u dorëzua, por deputeti u fotografua sot në protestë me pistoletë.
Ndërkohë, pas mbeldhjes së grupit parlamentar demokrat, Sekretari i Përgjithshëm i kësaj force Arben Ristani mohoi që deputeti të ketë pasur armë. Këtë deklaratë ai e bëri pavarësisht se vet Strazimiri më herët kishte pranuar se mbante armë.
“Arrestimi në flagrancë nuk ekziston si term pasi nëse do të bëhej duhet të ishte bërë. Strazimiri nuk ka pasur pistoletë, ka qenë inskenim mediatik. Fotoja nuk tregon asgjë. Deputeti Strazimiri nuk ka pasur pistoletë. Mund të ketë qenë klluf telefoni. Pa prova s’mund të ketë ndjekje penale, dhe prova nuk ka sepse s’ka pasur pistoletë”, tha Ristani.
Ndërkohë Ristani tha se grupi parlamentar i PD mori vendim që të përshkallëzojë aksionin politik me të gjtiha format.
“Të gjitha format demokratike janë ato që do të shfrytëzohen, çështja ëhstë që të gjithë duhet të jeni të bindur se betonizimi i parkut të liqenit është një nga treguesit e antiligjshmërisë. Ashtu sikurse ëhstë kriminalizim i administartës, pra janë të gjtiha së bashku që duhet t’na bindin që të bëhemi bashkë kundër këtij pushteti. Ne kemi qenë kosntruktiv në mënyrë të vazhdueshme për të realizuar ato gjëra që janë të mira për këtë vend, por të gjtihë shohin që përballë kemi një mur që gjithcka e ngre mbi interesat e oligarkisë duke zhvatur vendin për të mbushur xhepat e tyre. Aksioni do të jetë permanent dhe i përditshëm”, tha Ristani.
Ai tha se PD ka krijuar “Aleancën për Tiranën” me qytetarët për të përshkallëzuar aksionin.
