Policia ka prangosur shtetasin nga Dibra Ramadan Hoxha, 60 vjeç, banues në Muhurr, i cili rezultonte të ishte persona në kërkim për veprën penale “Korrupsion aktiv i personave që ushtrojnë funksione publike”. Lajmi bëhet i ditur nga policia e Dibrës me argumentin se: “Kapja dhe ndalimi i tij u bë pasi ky shtetas me vendimin nr.800, datë 16.09.2015 të Gjykatës Durrës është dënuar me 4-muaj burg për veprën penale të ”Korrupsionit aktiv të personave që ushtrojnë funksione publike”, parashikuar nga neni 244 të Kodit Penal.
“Pas arrestimit është njoftuar DVP Tiranë pasi personi në kërkim ka qenë për llogari të kësaj Drejtorie”, thuhet ne njoftim e policisë. Me 22 prill të vitit 2015 Hoxha ishte arrestuar pasi kishte tentuar t’i jepte 50 Euro punonjësit të Pikës së Kalimit Kufitar në Portin e Durrësit, me qëllim ta lejonte te kalonte ne Itali, pasi i ishte refuzuar levizja.
ma.me/javanews.al
