Policia parandalon një sulm ndaj eskortës së kryeministrit
Policia e Kosovës ka identifikuar disa persona të cilët po planifikonin ta sulmonin eskortën e kryeministrit Isa Mustafa.
Në momentin që policia ka kërkuar t’u kontrollojë çantat, të dyshuarit i kanë lënë ato dhe kanë ikur, raportojnë mediat në Kosovë.
Sipas policisë, ata po planifikonin të hidhnin mjete të forta për t’i shpërthyer gomat e veturës së kryeministrit.
Në këtë ngjarje janë të përfshirë pesë persona të cilët kanë arritur t’i ikin policisë. Kjo ngjarje vjen një ditë pasi kreu i qeverisë kosovare u sulmua me vezë nga aktivistë të Vetëvendosjes teksa ishte duke folur në Kuvend.
