Policia Rrugore me anë të një video ka bërë një paralajmërim për të gjithë drejtuesit e mjeteve të transportit ndërqytetës.
Në një postim në Facebook, Policia shkruan se këto mjete janë për t’i shërbyer qytetarëve , sipas itinerarit dhe nuk do të lejohen të ndalojnë ku të munden, dhe kjo gjë përbën shkelje.
NJOFTIMI I PLOTË
Transporti publik dhe mjetet e destinuara për këtë lloj transporti, janë për t’i shërbyer qytetarëve, sipas itineraret të përcaktuar nga autoriteti përkatës.
Të ndalosh kudo dhe ku të mundesh, nuk është shërbim, por shkelje e rregullave të qarkullimit rrugor dhe burim për aksidente rrugore.
Të cenosh sigurinë e një rruge të tërë për të marrë një pasagjer më shumë, është shkelje e rëndë, si për drejtuesin e mjetit, ashtu dhe për pasagjerët që rrinë në anë të rrugës dhe jo në vendin e caktuar për këtë shërbim.
Siguria juaj, obligimi ynë, kontribuo edhe ti, respekto rregullat e qarkullimit rrugor./a.cupaj
