Këngëtarja Beyonce Knowles, me këngën e saj të re “Formation”, me të cilën akuzon policinë për shkak të trajtimit të ashpër ndaj afrikano-amerikanëve, e ka zemëruar së tepërmi policinë. “Duket se Beyonce po mundohet të ndajë amerikanët. Ajo po promovon grupin “Black Panthers” dhe po dërgon porosi të fuqishme kundër policisë”, ka deklaruar Javier Ortiz, shef i sindikatës së policisë në Majami, transmeton “Zëri”. Javier përmes një deklarate zyrtare, thotë se policia është ofenduar rëndë nga videospoti i këngës “Formation”. Për këtë arsye, policët nga Majami, nuk kanë dashur të shikojnë finalen e 50-të të “Super Boël”, sepse Beyonce ka kënduar gjatë pauzës mes dy pjesëve. “E kemi bërë këtë nga respekti ndaj profesionit”, ka thënë Ortiz. Ai ka shtuar se fton të gjithë policët amerikanë që të bojkotojnë koncertet e Beyonce në turneun botëror “Formation”, i cili fillon në fillim të prillit. Përveç kësaj, ai nga kolegët e tij ka kërkuar që këngëtares t’i hiqet sigurimi i koncerteve, sepse duke promovuar grupin “Black Panthers”, i cili mbron amerikano-afrikanët nga sulmet raciste nga të bardhët, i ka ofenduar rëndë ata. Policia në Majami nuk është deklaruar nëse do ta dëgjojë thirrjen e Ortiz, deklaron “ZËRI”.
