Në Maqedoninë e Veriut është kapur ditën e djeshme një sasi prej 65 kg marijuanë me një vlerë prej 200 mijë euro.
Lajmin e bëri të ditur ditën e sotme Ministria e Punëve të Brendshme në vend ndërsa për rastin janë vënë në pranga tre shqiptarë. Sipas autoriteteve, përmes Maqedonisë së Veriut, lënda narkotike do të futej në Greqi.
Siç njoftoi Ministria e Brendshme në vend, mëngjesin e së hënës u ndaluan dy automjete tip “Mercedes” me targa shqiptare në rrugën rajonale nga Trpejca drejt Stenjes, përmes Parkut Kombëtar Galicica.
Gjatë kontrollit të automjeteve, njëra prej të cilave drejtohej nga K.K, dhe pasagjer ishte M.F, dhe e dyta nga F.B, u gjetën dhe konfiskuan 3 thasë të mëdhenj marihuanë, të paketuara në 44 pako”.
“Shqiptarët u ndaluan ndërsa droga u dorëzua për ekspertizë, gjatë së cilës u përcaktua se ishte në total 65 kilogramë marihuanë, ndërsa ndaj tre personave do të ngriten aktakuza penale, sipas nenit 215 të Kodit Penal”, njoftoi MPB.
g.kosovari
