I plagosuri Rustem Beqiri është nisur drejt spitalit, ndërsa autori Niko Prifti ka rënë në pranga. Policia dhe ambulanca ndodhen në vendin e ngjarjes, ndërsa priten të tjera detaje në vijim.
Në momentin e ngjarjes, Beqiri ka qenë i shoqëruar nga bashkëshortja, vajza dhe mbesa.
Njoftimi i policisë:
Plagosi me mjet prerës gjatë një konflikti një shtetas tjetër, kapet menjëherë pas ngjarjes, autori i dyshuar i plagosjes.
Më datë 14.08.2022, rreth orës 12:15, në lagjen nr. 4, Korçë, shtetasi N. P., rreth 68 vjeç, gjatë një konflikti i cili dyshohet të ketë ndodhur për motive pronësie, ka plagosur me mjet prerës (thikë) shtetasin R. B., 60 vjeç, i cili aktualisht ndodhet në Spitalin e Korçës, nën kujdesin e mjekëve.
Autori i dyshuar i ngjarjes N. P., ndodhet i shoqëruar në ambientet e Komisariatit për veprime të mëtejshme. Grupi hetimor nën drejtimin e Prokurorisë së Rrethit Gjyqësor Korçë po vijon punën për sqarimin e rrethanave të ngjarjes.
