Një numër i madh forcash policie pritet të angazhohen në protestën e lajmëruar nga opozita pasditen e sotme.
Përreth godinës së kryeministrisë janë rivendosur mbrojtëse metalike, një pjesë e së cilës u shkëputën gjatë përplasjeve me protestuesit pasditen e së shtunës.
Më herët ministri Lleshaj zhvilloi një takim me zinxhirin drejtues të policisë.
Në zyrën e ministrit ishte drejtori i Forcave Lëvizëse Operacionale Sokol Bizhga dhe Komandanti i Gardës Gramoz Sako. Nisur nga ngjarjet e protestës së fundit, policia ka hartuar një plan më të detajuar masash për mbrojtjen e institucioneve ndërkohë që në akset hyrëse drejt kryeqytetit do të ushtrohen kontrolle për evidentimin dhe ndalimin e personave me rrezikshmëri. 1500 policë janë në terren./i.h
