Policia e Tiranës ka arritur të zbulojë një sasi të madhe armësh dhe municionesh në një vend të fshehur në malin e fshatit Kllojkë, rreth 1 orë e 30 minuta larg kryeqytetit. Gjithashtu janë sekuestruar edhe mbi 30 kg kanabis sativa e tharë dhe e presuar.
Gazetarja Doriana Bezat tha për Balkanweb se armatimi është klasifikuar i rëndë nga policia, mes tyre edhe kallashnikov, si dhe droga janë gjetur të groposura në tokë. Operacioni është zhvilluar nga forcat e Komisariatit numër 1, të cilat kanë qenë në ndjekje të poseduesve të armëve dhe drogës pas informacioneve të marra në rrugë operative. Ndërkohë operacioni vijon ende për kapjen e personave të dyshuar.
ma.me
