Një operacion i gjerë antidrogë gjatë ditës së sotme ka bërë të mundur kapjen e plot 1.5 tonëve drogë të llojit kanabis sativa.
Mësohet se policia ka krehur zonën mes Beratit dhe Skraparit ku në disa banesa është arritur të zbulohet edhe sasia e lëndës narkotike.
Si pasojë janë prangosur 6 persona në fshatrat Përparim dhe Bogovë ndërsa 3 tëe tjerë janë shpallur në kërkim. Policia nuk ka dhënë detaje zyrtare në lidhje me operacionin dhe emrat e të ndaluarve. /b.d
