17 kilogramë lëndë narkotike janë sekuestruar nga policia e Fierit, Shkodrës dhe Gjirokastrës ndërkohë që në pranga kanë rënë 6 persona.
Në Fier janë sekuestruar 9 kilogram drogë, 3 kilogram në Gjirokastër dhe 5 kilogram në Shkodër.
Konkretisht:
Policia e Fierit ka sekuestruar sot 9 kilogram lëndë narkotike kanabis sativa ndërkohë që ka vënë në pranga 17-vjeçarin Xh.B i cili e mbante lëndën narkotike të fshehur në banesën e tij.
Siç raporton policia e këtij qarku, në një ditë janë finalizuar tre operacione përmes të cilave janë sekuestruar edhe disa doza kanabisi dhe janë prangosur edhe personat e përfshirë konkretisht në Mallakastër-Patos-Lushnje!
Në Mallakastër në banesën e Xh.B, 17-vjeç janë gjetur e sekuestruar në cilësinë e provës materiale 9 kg lëndë narkotike e dyshuar Cannabis Sattiva.
Në Patos Kristian Hoxhës, 34-vjeç i’u gjetën dhe sekuestruan në cilësinë e provës materiale 13 doza lëndë narkotike e dyshuar Cannabis Sattiva.
Ndërsa në Lushnje Mihal Dhanës, 23-vjeç, në vendin e quajtur “Plasmasi” në një pikë kontrolli të ngritur nga punonjësit e Komisariatit të Policisë Lushnje është ndaluar automjeti tip Nisan Mikra me targa LU 8486 B, i cili drejtohej nga J.Dh dhe pasagjer Mihal Dhana kishte fshehur 3 doza lëndë narkotike të dyshuara Cannabis Sattiva.
Policia e Gjirokastrës ka sekuestruar sot 3 kilogram lëndë narkotike në një stan në fshatin Rehovë dhe ka vënë në pranga çobanin 54-vjeçar.
Sipas policisë, Nazmi Graçi, 54-vjeç, në stanin e tij efektivët blu kanë gjetur disa bimë të dyshuara narkotike në proces tharje, të cilat pas peshimit rezultuan me peshë totale 3 kg.
Ndërkohë, në Shkodër, në kuadër të operacionit të koduar “Kiras” janë sekuestruar 5 kilogram lëndë narkotike dhe janë vënë në pranga dy persona dhe një tjetër është shpallur në kërkim.
Policia ka arrestuar në Edmir Demiraj, 28-vjeç dhe Avni Kuçaj, 30-vjeç, gjithashtu është shpallur në kërkim dhe punohet për kapjen e A.SH. 18-vjeç.
Personat e arrestuar sasinë prej 5 kg 32 gr lëndë e dyshuar narkotike cannabis sattiva, dyshohet se në bashkëpunim do e shisnin.
Gjithashtu u sekuestruan një automjet tip Benz me targa AA 399 CI dhe një automjet tip Citroen me targa AA 584 MO.
Shqiptarja.com/d.i.
