Policia ka gjobitur dhe u ka hequr patentat gjashtë drejtues automjetesh në Lezhë, pasi pesë prej tyre lëviznin duke përdorur fenelina policie, ndërsa një tjetër përdorte logon “Hetimi Tatimorë”.
Policia Rrugore njofton se vazhdon patrullimet dhe monitorimet për evidentimin dhe ndëshkimin e shkeljeve të rregullave të qarkullimit rrugor.
Njoftimi i plotë i policisë:
Lezhë
Policia Rrugore në Qarkun Lezhë vazhdon patrullimet dhe monitorimet, për evidentimin dhe ndeshkimin e shkeljeve të rregullave të qarkullimit rrugor
Ndëshkohen administrativisht 5 drejtues mjetesh për përdorim të fenelinave të Policisë si dhe një tjeter drejtues për përdorim të logos”Hetimi Tatimor”
Nga punonjësit e Policisë Rrugore në Qarkun Lezhë janë marrë masa Administrative për nenin 175/4 të Kodit Rrugor, që parashikon heqjen e Lejes së Drejtimit nga 6-12 muaj për 6 drejtues automjetesh, pasi janë konstatuar se gjatë drejtimit të mjetit kanë pasur në përdorim fenelinë Policie dhe logo të “Hetimit Tatimor”
Policia Rrugore e Lezhës do vijojë kontrollet e pandërprera, me qëllim rritjen e parametrave të sigurisë në rruge si dhe evidentimin e shkelësve të Kodit Rrugor.
g.kosovari
