Një vrasje me armë zjarri ka ndodhur në fshatin Shosh të Malësisë së Dukagjinit.
Viktima është identifikuar si Lazer Arraj. Ngjarja ndodhi mesditën e sotime, rreth orës 12:00.
“Me datë 21.10.2019, rreth orës 12:00, në fshatin Shosh, Shkodër, dyshohet se është vrarë me armë zjarri shtetasi L. A. 55 vjeç, banues në fshatin Palaj, Shosh, Shkodër,” raporton policia.
Nga informacionet paraprake, 55-vjeçari njihej në zonë edhe me mbiemrin Pjetrushi.
Ai u gjet i vrarë në rrugë, dhe se ishin nipërit e tij që jetojnë në fshat të parët që e panë. Pjetrushi, siç njihej, ka qenë duke u kthyer për në Shkodër, ku edhe banonte.
Pas krimit autori është larguar dhe mund të jetë fshehur në ndonjë nga zonat malore.
Uniformat blu ndodhen në vendngjarje dhe po punohet për sqarimin e rrethanave të ngjarjes, identifikimin dhe kapjen e autorit.
g.kosovari
