Policia italiane ka arrestuar 23 persona të cilët akuzohen se janë pjesë e një rrejti kriminal për trafikimin e njerëzve përgjatë Detit Mesdhe. The Guardian njofton se arrestimet janë bërë pas dëshmisë së dhënë nga një ish anëtar i grupit kriminal, i cili ka zbuluar po ashtu se emigrantët janë rrahur dhe vrarë rrugës për në Evropë, përcjell Gazeta Express. Shumica e 23 të arrestuarve janë nga Eritrea, dhe u arrestuan në Romë, Palermo dhe qytetin qendror të Macerata. Në mesin e të arrestuarve është edhe një italian i cili besohet se është në krye të shpërnguljes së emigrantëve nga Roma për në Evropën veriore.
Policia është duke i kërkuar edhe 15 të dyshuar tjerë. Hetuesit kanë vepruar në bazë të dëshmisë së dhënë nga Nuredin Wehabrebi Atta, i cili vjen nga Eritrea dhe është trafikuesi i njerëzve, që u arrestua në vitin 2014. Ai ka thënë se emigrantët të cilët nuk kanë mundur të paguajnë për rrugëtimin për në Evropë, janë rrahur dhe në disa raste janë vrarë nga trafikuesit, ose edhe janë shitur te grupet kriminale të cilët kanë bërë tregti me organe njerëzore. “Çmimi i çdo njeri të shitur në një organizatë kriminale egjiptiane të përfshirë në shitjen e organeve, ishte rreth 15 mijë dollarë,” Atta iu ka thënë prokurorëve.
ma.me
