Policia i prish biznesin të riut shqiptar, furnizoi me drogë për 6 ditë me radhë festën me mbi 3 mijë persona
Një 33-vjeçar shqiptar të premten u arrestua nga policia italiane për trafik droge.
Mediat shkruajnë se shqiptari prej 6 ditësh kishte furnizuar me drogë një festë të paligjshme që ishte organizuar pranë Viterbo, afër kufirit që ndan Toskanën me Lazion.
Sipas policisë, 33-vjeçarit iu gjet një sasi e madhe kokaine, marihuane dhe hashashi.
Në njoftimin e policisë, sipas mediave, droga ishte fshehur në motorin e makinës dhe nën xhamin e përparmë.
Shqiptari u arrestua menjëherë dhe u dërgua në një burg pranë Sienës.
Festa, e cila përfundoi ditën e enjte dhe u shoqërua me kritika të ashpëra nga e djathta italiane, mblodhi të rinj nga e gjithë Europa.
Policia u detyrua të ndërhynte më forcë pasi identifikoi mbi 3 mijë persona dhe më shumë se një mijë automjete.
g.kosovari
