Dy të rinj malajzianë vizituan Shqipërëinë në vitin 2012 dhe duke përdorur disa karta të huaja bankare të fallsifikuara arritën të përvetësonin me mijëra euro në dëm të Bankës Raiffeisen. Në vitin 2013 dëmi i shkaktuar nëpër botë nga mashtrimi me kartat bankare arriti në 14 miliard dollarë.
Mashtrimi nëpërmjet sistemeve kompjuterike të kartave bankare është forma më e zakonshme e mashtrimit kompjuterik në Shqipëri. Zakonisht përdoren karta të lëshuara jashtë Shqipërisë, të klonuara (të dhënat e të cilave janë vjedhur), për blerje nëpër POS-et e tregtarëve shqiptarë, ose kartat e lëshuara nga bankat shqiptare klonohen dhe përdoren jashtë shtetit.
Në komisariatet e policisë janë krijuar sektorë të posaçëm kundër krimit kibernetik, policët e të cilëve specializohen për këto lloj krimesh. Në faqen e policisë është hapur një adresë e posaçme për denoncimin e këtyre krimeve (http://www.asp.gov.al/
Projektet për ndërgjegjësimin e shtresave vulnerabël mbi krimet kibernetike janë shtuar bashkë me krimin kibernetik. .Policia shqiptare gjithashtu mund të shtojë përpjekjet e veta për parandalimin e këtyre krimeve duke investuar më shumë në rritjen e bashkëpunimit të qytetarëve si dhe në informimin e tyre.
