Policia e Elbasanit u ka hequr 12 personave patentën për shkak se janë kapur në flagrancë teksa drejtonin mjetin të dehur, ndërsa 11 persona të tjerë janë penalizuar për shkak të shpejtësisë së lartë.
Gjatë 24 orëve të fundit në Elbasan janë vënë plot 98 masa administrative.
ElbasanPolicia Rrugore e Elbasanit, gjatë 24 orëve të fundit ka intensifikuar kontrollet në të gjitha akset rrugore, për të evidentuar dhe ndëshkuar shkelësit e Kodit Rrugor, me qëllim parandalimin e aksidenteve rrugore.Kontrollet janë përqendruar më shumë në automjetet e transportit publik, por edhe në mjetet e tjera.
Kontrollet kanë konsistuar për pije alkoolike, për shpejtësi, për drejtim mjeti pa Leje Drejtimi, për mosvendosje të rripit të sigurimit, të përdorimit të celularit gjatë drejtimit të mjetit, të transportit të udhëtarëve pa licencë apo pa kontroll teknik, etj.Gjatë kontrolleve të ushtruara janë arrestuar tre drejtues mjetesh që drejtonin mjetin në gjendje të dehur.Si dhe janë arrestuar dy drejtues mjetesh që drejtonin mjetin pa Leje Drejtimi.Janë ndëshkuar në rang qarku 80 mjete të transportit publik për mungesë të çertifikatës për transport publik.
Po gjatë kontrolleve janë pezulluar 23 leje drejtimi nga këto:• 12 Leje Drejtimi për pije alkoolike• Dhe 11 Leje Drejtimi për shpejtësi.Janë vendosur 98 masa administrative nga këto:• 23 për mospërdorim të rripit të sigurimit• 21 për përdorim të celularit gjatë drejtimit të mjetit• 11 për shpejtësi dhe pjesa tjetër për shkelje të tjera.
Policia Rrugore e Elbasanit do vijojë kontrollet e pandërprera, me qëllim parandalimin e aksidenteve rrugore dhe apelon për të gjithë përdoruesit e rrugës që të respektojnë rregullat e qarkullimit rrugor duke kontribuuar në rritjen e parametrave të sigurisë rrugore.
a.ç
