Strukturat e Drejtorisë Vendore të Policisë Elbasan, kanë vijuar punën për parandalimin e paligjshmërisë, me qëllim rritjen e parametrave të sigurisë. 39 shtetas janë proceduar penalisht nga të cilët: 9 të arrestuar, 27 janë procedurë penalisht në gjendje të lirë, si dhe 3 shtetas janë shpallur në kërkim për vepra penale të ndryshme.
Në përmbushje të prioriteteve dhe në zbatim të detyrave të përcaktuara në Planin e Masave “Për parandalimin dhe goditjen e paligjshmërisë”, në të gjithë qarkun kanë funksionuar pika kontrolli statike e të lëvizshme ku gjatë kontrolleve janë shoqëruar për verifikim në Komisariatet e Policisë, 124 shtetas. Kryekomisar Blerim Berbati – Shef i Sektorit i Rendit dhe Policimit në Komunitet, në Drejtorinë Vendore të Policisë Elbasan, prononcim për media në lidhje me masat e marra nga ana e Policisë së Elbasanit për mbarëvajtjen e Vitit të Ri Arsimor.
Në zbatim të plan-masave, për kontrollin e territorit me qëllim parandalimin dhe goditjen e kultivimit të bimëve narkotike, nga strukturat Policore të Komisariateve të Policisë Elbasan, Librazhd, Cërrik, Peqin dhe Gramsh janë ushtruar kontrollet në të gjithë territorin e Qarkut Elbasan.
Edhe në ditët në vijim do të intensifikohet puna me qëllim rritjen e parametrave të sigurisë dhe goditjen e paligjshmërisë.
a.ç
