Policia e Shtetit kap 36 qytetarë që vidhnin energjinë, 25 që ndërtonin pa leje dhe 12 që prisnin pyjet.
Dhe ja çfarë bilanci jep policia, pas 3765 kontrolleve në terren:
“Gjatë kontrolleve u evidentuan 36 raste të vjedhjes së energjisë elektrike, me 36 autorë.
Nga këta, 20 autorë janë arrestuar në flagrancë, 3 autorë janë shpallur në kërkim dhe 13 autorë ndiqen në gjendje të lirë.
Në fushën e ndërtimeve të paligjshme, nga ana e Strukturave të Policisë së Shtetit në të gjithë vendin janë evidentuar 25 raste të ndërtimeve pa leje.
Për këto raste janë evidentuar dhe proceduar 25 autorë nga të cilët, 6 autorë janë arrestuar në flagrancë, ndërsa 17 autorë ndiqen në gjendje të lirë dhe 2 autorë janë shpallur në kërkim.
Në kuadër të masave për parandalimin e prerjeve të paligjshme të pyjeve, gjatë kësaj periudhe në të gjithë vendin janë evidentuar 12 raste me 12 autorë, nga të cilët 2 janë arrestuar në flagrancë dhe 10 ndiqen në gjendje të lirë.
Ndërsa në fushën e organizimit të lotarive të palejuara , Policia e Shtetit ka evidentuar 13 raste me 13 autorë, të cilët ndiqen në gjendje të lirë”.
