Edhe pse sot koronavirus vrau një njeri në Shqipëri, që ashtu siç ka ndodhur përgjithësisht në vende të tjera qe një e moshuar, ndërgjegjësimi qytetar vijon të jetë afër zeros, edhe tek të moshuarit, që janë grupi më vulnerabël.
Sekretari i përgjithshëm i Partisë Socialiste, Taulant Balla ka ndarë në faqen e tij në Facebook dy foto ku shihet një grup të moshuarish teksa luanin domino, të pashqetësuar, në vendin e tyre të zakonshëm.
“Na u desh të dërgojmë policinë bashkiake të ndërpresim grumbullimet e dominove në Elbasan. Kjo nuk është kohë argëtimesh jashtë shtëpisë, po kohë lufte dhe kjo luftë fitohet vetëm duke kufizuar lirinë tënde, duke ndryshuar rrënjësisht mënyrën e jetesës dhe duke ruajtur familjen tënde nga kontaktet e tua me jashtë! Frikë aspak, kujdes po! madje shumë fare”, shkruan Balla.
/a.r
