Tre persona jane vene ne pranga si te akuzuar per gjobevenie ndaj nje biznesmeni ne Durres. Policia njofton se arrestimi i tyre eshte bere ne finalizim te operacionit policor i koduar “Gjobëvënësit”.
Këta shtetas janë arrestuar pasi akuzohen për gjobëvënie 50 000 euro ndaj biznesmenit N.L.,. Policia njofton se gjatë aksionit janë arrestuar në flagrancë fillimisht Lulzim zalla dhe Egi Shullazi ndërsa më pas është arrestuar edhe Klodian Estrefi.
Në momentin e arrestimit dëgjohet kur policia i kërkon që personat mos të lëvizin duke i nxjerr nga makina.
Po kështu policia ka sekuestruar edhe këstin e radhës (5000) që biznesmenit që i ishte vendosur gjoba po u dorëzonte tre të arrestuarve, si dhe 1 automjet dhe 3 celularë.
Të arrestuarit do të përballen para gjykatës me akuzat për veprën penale “Shtrëngimi me anë të kanosjes ose dhunës për dhënien e pasurisë “, në bashkëpunim.
g.kosovari
