Policia në Mat pas një kontrolli në zona të pyllëzuara ka zbuluar 3 600 bimë narkotike.
Droga po kultivohej në vendin e quajtur “Shkalla e Bardhë”, njësia Administrative Baz, në parcela të hapura rishtas me bimë narkotike.
Nga këqyrja e bërë nga grupi hetimor rezultoi se në këto parcela ishin të kultivuara 3600, bimë të dyshuara narkotike “Cannabis Sattiva”.
Bimët u asgjësuan në vend me anë të djegies, ku disa prej tyre u morën në cilësinë e provës materiale.
Ndërkohë, nuk ka asnjë të arrestuar si përgjegjës dhe policia vijon veprimet e mëtejshme.
