Është arrestuar personi që dyshohet se shkaktoi panik të madh gjatë festivalit “Beer fest” në Prishtinë në fund të korrikut, me ç’rast nga rrëmuja u lënduan dhjetëra persona. Lajmin e ka bërë të ditur për Gazetën Express zëdhënësi i Policisë së Kosovës, Daut Hoxha.
I arrestuari, sipas Hoxhës, është H.V., 15 vjeçar. Policia ka gjetur se ai ka shtënë me pistoletë me gaz, ka njoftuar zëdhënësi. Veprimet hetimore për zbardhjen në tërësi të këtij rasti janë ende në proces nga hetuesit kompetent policor, ka njoftuar Policia. E shtëna gjatë “Beer Fest” shkaktoi panik të madh në mesin e pjesëmarrësve, nga frika se bëhej fjalë për një sulm terrorist.
