Policia ka arrestuar gjatë mbrëmjes së djeshme të shumëkërkuarin Admir (Jetmir) Çerpja, i dyshuar si një nga krerët e grupit të akuzuar për dy grabitjet e ndodhura në rrugën e Rinasit.
Prangosja e Admir Çerpja është bërë në zonën e Dibrës nga forcat special, ku po kërkohej prej disa ditësh në kuadër të operacionit “Patriot”.
I arrestuari është duke u shoqëruar nën masa të shumta sigurie drejt Tiranës.
Ndërkohë mbetet ende në kërkim Admir Murataj (Nikaj), i dyshuar si një prej krerëve të grupit të grabitësve si dhe dy nipat e tij identiteti i të cilëve nuk bëhet i ditur.
Deri tani përveç Admir Çerpjes janë arrestuar edhe Fatjon Xhyliu, Ditjon Memlika, Neim Avdyli dhe Ernest Kupa, ndërsa vazhdojnë kërkimet për kreun e bandës Admir Murataj.
Pesë të arrestuarit dhe i shpalluri në kërkim grabitën para 10 ditësh 3.2 mln Dollarë në Qafë Kashar të një banke të nivelit të dytë.
ma.me
