Qyteti i Elbasanit është rrethuar mbrëmjen e sotme nga FNSH dhe RENEA në një operacion që ka zgjatur tre orë, ndërsa ka përfunduar me 8 të arrestuar. Janë sekuestruar armë dhe mina të bandës kriminale që është shkatërruar. Aksioni është drejtuar nga Altin Qato. Ne kete operacion ka qene i angazhuar edhe kryeprokurori i Elbasanit. Deri më tani nuk dihen detaje rreth këtij operacioni si dhe emrat e personave të arrestuar, ndërsa thuhet se ata janë nga Pogradeci dhe Gramshi. Aktualisht po kryhen kontrolle edhe ne banesat e personave të arrestuar. Paraditen e sotme në Elbasan ishte edhe kryeprokurorja e Përgjithshme, Arta Marku, e cila dha një mesazh të qartë gjatë takimit që zhvilloi me prokurorët. Ajo pohoi se Elbasani është pikë e “nxehtë” për grupet e krimit, ndaj prokurorët duhet të hetojnë.
Policia aksion masiv në Elbasan, bllokohen mina e armë , 8 të arrestuar
