Një grabitje e ngjashme me një skenar holllivudian ka ndodhur në Tiranë, ku i’u bë pritë një mjeti të blinduar nga i cili dyshohet se u grabitën rreth 3 milion euro.

4 persona të veshur si policë, dhe me një automjet me fenelina të uniformave blu, i bënë pritë në zonën e Kasharit një mjeti të blinduar të një kompanie private sigurie, e cila transportonte shumën e madhe të parave.

Nën kërcënimin e armëve, grabitësit morën shumën e parave dhe u larguan me shpejtësi. Pasi përshkuan një distancë nga vendi i ngjarjes, personat i vunë flakën automjetit që përdorën për grabtijen e parave dhe u larguën në këmbë për të humbur gjurmët. Më pas 4 personat dyshohet se janë larguar me një automjet që i priste disa qindra metra nga vendi ku dogjën mjetin e përdorur për grabitjen.

Nga kqyrja e automjetit të djegur, rezulton se edhe ai ishte grabitur posaçërisht për të vënë në zbatim planin e sotëm.

Deri në këto momente janë shoqëruar 20 persona të cilët janë marrë në pyetje nga policia. Dyshohet se grabitësit kanë pasur informacione nga punonjës të brendshëm të kompanisë Security.

Këto dyshime lidhen me faktin se ata i kanë bërë pritë automjetit të blinduar në një orar preçiz, të transportit të parave. Grabitësisht kishin dijeni të saktë për levizjen e shumës së parave. Veç monedhave, dyshohet se ka pasur edhe sasi ari. Mes të shoqëruarve janë edhe 6 punonjës të kompanisë së sigurisë.

Mësohet se shuma e parave do të transportohej jashtë vendit nga aeroporti i Rinasit dhe i përkisnin bankës “Credins”.

Kjo është grabitja e dytë e madhe brenda 1 viti. Në janar u vodhën nga një bankë e nivelit të dytë një shumë e përafërt me paratë që u grabitën në Kashar mesditën e së enjtes.

https://www.youtube.com/watch?v=CZNwD38b15Q

Momenti i djegies së makinës së grabitësve