Një ditë pas krimit në familje, Bashkim Mekolli ka pranuar para grupit hetimor vrasjes e gruas Demirke Mekolli 49-vjeçe.
Mësohet se ai është shprehur se gruan e ka vrarë me sqepar dhe thikë pas sherrit për arsye xhelozie dhe se dyshonte për tradhti.
Mekolli ka rrëfyer para grupit hetimor se një natë para ngjarjes ka pasur edhe një konflikt mes tij dhe bashkëshortes.
“Mora çfarë gjeta dhe e godita. Nuk jam penduar për vrasjen pasi ajo nuk sillej sic duhej dhe nuk me jepte llogari” – la thënë Mekolli para grupit hetimor.
Ngjarja e rëndë ndodhi ditën e djeshme në fshatin Blacë të Pogradecit duke tronditur opinionin publik.
Çifti kishte një fëmijë, i cili ndodhet në Itali, ndërsa sipas familjarëve kohët e fundit kishin pasur shumë debate.
Nexhet Mekolli, i ati i Bashkim Mekollit rrëfeu dje se djali i tij vuante prej 2-vitesh nga depresioni dhe për këtë shkak i ishte drejtuar spitalit për ta kuruar por sipas tij bluzat e bardha nuk e kanë mbajtur. /b.d
