Mesditën e sotme një 47-vjeçar nga Pogradeci është gjetur i vdekur, dhe parapraksiht dyshohet se si ka gjetur vdekjen pasi ka rënë në kontakt me energjinë elektrike.
“Më datë 24.09.2016 njoftohemi nga Salla Operative Pogradec se në hyrje të Pogradecit, (tek ish-Ferma) është gjetur i vdekur shtetasi A.H, rreth 47 vjeç, banues në Pogradec.“-raporton policia.
Sipas uniformave blu “nga të dhënat e para dyshohet se ky shtetas gjatë punës, duke kryer hidroizolimet e një banese, ka rënë në kontakt me rrymën elektrike dhe për pasojë ka gjetur vdekjen.”
Grupi hetimor, po punon për zbardhjen e rrethanave të ngjarjes./a.m.
