Dy armë zjarri janë gjetur në një banesë të mbyllur në Pogradec. Bëhet fjalë për dy pushkë, të cilat janë zbuluar nga disa fëmijë të cilët po luanin.
Më pas banorët e zonës njoftuan policinë dhe uniformat blu shkuan në vendin e ngjarjes.
Armët janë model 56 me kalibër 7.62 mm. Banesa ku u gjetën pushkët është e mbyllur prej disa kohësh dhe nuk jeton njeri. Pronari i shtëpisë prej disa vitesh jeton në Angli.
Dyshohet që armët të jenë hedhur në oborrin e shtëpisë. Policia ka sekuestruar kamerat e sigurisë së një banese aty pranë për të parë nëse është e mundur të identifikohet poseduesi.
/a.r
