Nga Arben Duka
Më së fundi Kushtetuesja,
vendimin ka marrë,
seanca për presidentit,
do jetë në Janar!
Po dhe tani Ilir Meta,
gjoksin na tregoi,
na tha se zgjedhje lokale,
nuk do dekretoj!
Dhe pse është i detyruar,
s’nxjerr dekret tani,
se asnjë bashki të vetme,
nuk merr LSI!
Meta vëzhgon situatën,
për një aleat,
pret të bëjë partinë Saliu,
mbase kanë një fat!
Jo më kot Luli Basha,
Metën po sulmon,
se bashkimin me Saliun,
e parashikon!
Nuk e dimë nga dy partitë,
kush do marrë më shumë,
tani dihet që PD-ja,
s’i ka votat lumë!
S’është çudi që kaq të nxehur,
shohim Lulëzimin,
aleanca Meta-Sala,
do ta bëjë ndryshimin!
Them aleanca e Salës,
me plus LSI,
një problem i madh për Lulin,
do të jetë tani!
Rama gjithë këtë gallatë,
rri-e bën sehir,
se në zgjedhje do të dali,
mirë edhe më mirë!
Panoramën edhe bufi,
mundet ta kuptojë,
e sigurtë që Lulëzimi,
nuk do lulëzojë!
Që dy antiamerikanët,
mos bëhen faktor,
ka mundësi që Rama-Bashës,
t’i japi një dorë!
Në të ardhmen mund të ndodhë,
çfarë presim të tërë,
të bëhet një qeveri,
me bazë të gjerë!
S’ka nevojë që për këtë,
të shohim filxhan,
se e kemi krejt të gatshëm,
modelin gjerman!
/a.r
