Vijojnë tentativat për kalimin e paligjshëm të emigrantëve nga vendet e tretë drejt atyre të Bashkimit Europian.
Së fundmi janë konstatuar dy raste të tilla ndërsa në pranga kanë përfunduar tre persona.
Elton Grabocka 42 vjeç, banues në Korçë, u ndalu pasi u kap në aksin rrugor Bilisht-Korçë, pranë vendit të quajtur “Kryqëzimi i fshatit Zëmblak” duke transportuar me mjetin tip “Benz” në drejtim të Tiranës, pesë emigrantë të paligjshëm të cilëve kundrejt fitimit prej 100 euro, iu kishin premtuar kalimin drejt vendeve të BE-së.
Geldi Tula, dhe Negers Mjeda 21 dhe 19 vjeç, nga Shkodra, u kapën në lagjen nr. 3, Pogradec, duke transportuar me mjetin tip “Volksëagen” në drejtim të Shkodrës, pesë emigrantë të paligjshëm të cilëve kundrejt fitimit prej 800 euro në total, iu kishin premtuar kalimin drejt vendeve të BE-së.
Materialet në ngarkim të tyre i kaluan Prokurorive të Rretheve Gjyqësore Korçë e Pogradec për veprën penale “Ndihma për kalim të paligjshëm të kufijve, kryer në bashkëpunim”.
g.kosovari
