Kohët e fundit policia e shtetit dhe ajo rrugore kanë rritur kontrollet dhe gjobvënie për sa i përket shoferëve që nuk respektojnë rregullat e qarkullimit rrugor. Por me rritjen e masave kanë qenë të shpeshta rastet kur policët janë filmuar teksa kanë dalë “blof” përpara drejtuesve të mjeteve
Rasti i fundit është ky polic që pasi ndalon një shofer e pyet qytetarin nëse gjobën e do për përdorim celulari në kohën që është në timon apo për parkim të gabuar.
“Si e do gjobën? Për celular apo për parkim? Po të pyes në mënyrë shoqërore”, thotë polici.
“Ti zbato ligjin, zotëri. Mos më pyet mua”, ia kthen qytetari. / Express