“Po të kisha 700 mijë lekë nuk më kishte hyrë burri sot në dhe”
“Po të kisha 700 mijë lekë nuk më kishte hyrë burri sot në dhe”. Kështu e nis rrëfimin e saj Zenepe Doda, gruaja e Arif Dodës, i cili u vetëvra me automatik, sepse nuk kishte mundësi të paguante dritat. Familja Doda jeton në një banesë një katëshe në rrugën “Koço Bozhari” në Tiranë.
Gruaja tregon me detaje ngjarjen se çfarë kishte ndodhur nga koha kur i kishin prerë dritat e deri në momentin kur burri i saj vendosi t’i jepte fund jetës së tij. Ajo shprehet se ka qenë gjendja e rënduar ekonomike dhe kushtet e tejskajshme të cilat e kishin detyruar burrin e saj të vuante nga depresioni e të kryente një akt vetëvrasjeje. Arif Doda u vetëvra në dhomën e tij të gjumit, pasditen e së mërkurës me automatik, duke lënë pas 2 djem të vegjël dhe një nënë të paralizuar.
