Një nga argumentet që ka dhënë kryeministri Edi Rama për vendimin e kreut të shtetit për zhdekretimin e datës së zgjedhjeve, është se Meta ka frikë nga Reforma në drejtësi. Sot në takimin me banorët e Tiranës, ka zbuluar një moment teksa ka diskutuar me Metën, për Reformën, duke thënë se e kuptoi që ai po i trembej shumë.
“Çfarë muhabetesh, ç’a bisede…Çfarë kam hequr unë për Reformën në Drejtësi me Metën…pupupu, frikë e madhe”, tha Rama.
I pyetur lidhur me një datë tjetër zgjedhjesh, Rama tha se sërish do të ishte “nul”, pasi i vlefshëm është vetëm dekreti i parë i presidentit, jo zhdekretimi i tij, e aq më tepër caktimi i një date të re.
“Sa për datë të re, ai mund të bëjë ç’të dojë, po do jetë nul. Kot e ka, këtu ka institucione. Presidenti s’ka asnjë të drejtë në asnjë rresht të Kushtetutës por kur Kushtetutën e lexon në filxhan…”,tha Rama.
Banor: Mbase sot bisedojmë ne Lulin caktojnë një datë tjetër
Rama: Bëjnë ca të duan, është nul. Është kot, s’ka asnjë vlerë, presidenti nuk ka asnjë të drejtë në asnjë rresht të kushtetutës, por kur e lexon atë si filxhan, këshu është
Banori: Po nëse shpërndan Kuvendin?
Rama: Ai mund të marrë vendim t’i shpalle luftë SHBA dhe BE por ca do me thënë kjo
Kreu i qeverisë pranoi se parlamenti duhet të ketë 140 deputetë, por nuk mund të shpërndahet sepse disa ligjvënës vendosin të largohen.
“Mund të marrë vendim ti shpallë luftës BE dhe SHBA. Parlamenti duhet të ketë 140 deputetë. Po patjetër! Por në qoftë se parlamentit i largohen dy-tre deputetë dhe të shpërndahet, atëherë pse duhet parlamenti…si t’ja bëjmë?”, tha Rama.
g.kosovari
