Nënkryetari i bashkisë së Mariupolit ka njoftuar ditën e sotme se të paktën 1200 ukrainas janë vrarë nga bombardimet ruse që nga fillimi i luftës 14 ditë më parë.
Megjithatë sipas informacioneve numri real i vdekjeve ka të ngjarë të jetë “tre ose katër herë më shumë” sesa vlerësim i fundit, shkruan Skynews.
“Dje, ne kishim konfirmuar 1,207 viktima të vrarë nga bombardimet”, tha nënkryetari i bashkisë së Mariupolit për mediat.
Orlov tha se Mariupol po planifikon të gërmojë varre masive për të pastruar rrugët nga trupat e vdekur.
“Ne me të vërtetë nuk mund të llogarisim se sa vdekje kemi. Dua të them, është tre deri në katër herë më shumë. Ne nuk jemi në gjendje as të numërojmë se sa njerëz në rrugë janë vrarë nga bombardimet”, tha ai.
Kujtojmë se Mariupol është një nga pjesët më të goditura të Ukrainës, me bombardime të vazhdueshme ruse, të cilat kanë ndërprerë furnizimin me ujë dhe energji elektrike në vend, teksa qindra civilë vijojnë të jenë në zonë./m.j
