Policia e Tiranës njofton se pesë persona kanë rënë në pranga pasi po kryenin punime në një objekt të cilit i ishte pezulluar leja. Sipas bluve të kryeqytetit, pronari i objektit Arben Reli sëbashku me 4 punëtorë janë shoqëruar në polici.
Sipas policisë, në zonën e Farkës, tek lagja e Çollakve, u konstatua se në kompleksin e vilave të ndërtuar prej Relit, po bëheshin punime, ndërkohë që me datë 16.07.2015 nga komuna e Farkës i është pezulluar e drejta për të vazhduar punime në kompleksin e vilave dhe akoma nuk ka marrë një aprovim për rifillim të punimeve.
