Vetëm krerët e degëve dhe kandidatët për kryetar bashkie në zgjedhjet e pjesshme vendore ishin të vetmit që i dolën në krah Lulzim Bashës dhe nuk i kërkuan dorëheqjen. Ndërkohë, Sali Berisha nëpërmjet Komisionit të Rithemelimit, ka publikuar udhëzimin dhe mënyrën sesi do t’i zëvendësojë nëpërmjet, asaj që ish-kreu i PD-së e cilëson riformatimin e strukturave të Partisë Demokratike.
Ky udhëzim konsiston në procesin e propozimit dhe zgjedhjes së kryetarit të degës, anëtarëve të kryesisë së degës si dhe delegatëve të degës në Kuvendin e Partisë Demokratike.
Kujtojmë se Komisioni i Rithemelimit ka shtyrë mbajtjen e Kuvendit Kombëtar më datë 30 prill. Komisioni Rithemelimit kishte planifikuar mbajtjen e Kuvendit më datë 22 mars, por ata njoftuan se duke qenë se u fokusuan në zgjedhjet e 6 marsit, nuk kanë mundur dot të merren organizmin e strukturave të partisë.
/a.r
